Кљукуша е традиционално босанско јадење кое датира од времето на Отоманската империја. Во својата основна форма, ова јадење налик на пита се прави само со брашно, сол и вода, додека додатоците често вклучуваат рендан компир и јајца, како и лук, масло, павлака или млеко.
Смесата традиционално се пече во тркалезни тави, а не треба да биде премногу густа. Кога се пече, кљукушата или се сече на кришки или се кине со раце на парчиња со големина на залак (ćopana или istrgana kljukuša) кои потоа се премачкуваат во различни комбинации на маснотии, путер, кисела павлака, кајмак, сирење или млеко.
View this post on Instagram
Кљукуша е едноставно и разноврсно јадење кое често се подготвува во босанските домаќинства. Вообичаено се ужива за појадок, како главно јадење или закуска, како и како додаток на јадења со месо. Во Херцеговина истото јадење се нарекува „изливача“.
Потребни состојки:
500 гр компири
1 главица црвен кромид
5 лажици брашно
200 мл млеко
50 мл масло
2 јајца
2 лажички сол
1 лажичка пиперка
View this post on Instagram
Подготовка:
1. Компирот излупете го и исечете го на коцки, ставете го во поголем сад за мешање. Излупете го кромидот и исечкајте го што е можно поситно. Додадете ги сите други состојки и добро измешајте. Истурете ја смесата во тава подмачкана со масло(може да користите и путер) со димензии 20 x 40 cm. Печете 20 минути на 250 степени. Оставете ја кљукушата да се излади, па исечете ја на коцки.
*Може да ја премачкате со путер, кисела павлака, кајмак или да ја послужите со сирење.
