Брачната двојка Мауро Икарди и Ванда Нара се разведуваат, барем така објави аргентинската убавица на социјалните мрежи .
„Многу ми е тешко и болно во овој момент, но со оглед на мојата експонираност и работите кои ги надминуваат медиумските шпекулации, подобро е тоа да го дознаат од мене. Немам ништо повеќе да објаснам и нема да дадам никакви детали за оваа разделба. Ве молам за разбирање не само поради мене, туку и поради нашите деца“, напиша Ванда.
Разделбата која не ги изненади многу нивните фанови затоа што подолго време оваа брачна врска е во криза, се случува после 8 години брак, а заедно имаат две ќерки.
Фановите паметат дека Ванда бурно реагираше на Инстаграм неодамна и навести дека го напушта фудбалерот, наводно поради неверство, но Икарди не признаваше дека се гледа со аргентинската актерка Марија Суарез.
