Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи брза, лесна и вкусна пита, која може да ја спремите за цели 15 минути.
Потребни состојки:
- 3 јајца
- 70 мл јогурт
- 70 мл вода
- 50 мл масло
- 1/2 пециво
- 300 гр брашно
- сирење, праз, сувомеснато
Постапка:
Во еден сад измешајте ги прво течните, па додадете ги сувите состојки. Додадете додатоци по желба, јас ставив праз и крем сирење. Префрлете ја смесата во плех со хартија за печење. Јас врз питата ставив и микс семки и сусам, а вие можете по избор. Печете ја питата во претходно загреана рерна на 200-220 С. Ќе знаете дека е готова кога ќе буцнете со чачкалица и чачкалицата ќе излезе сува. Оставете ја кратко да се излади, па исечете ја и послужете ја.
СОВЕТ: Наместо само бело брашно, може да ставите и пола интегрално или пченкарно.
На здравје!
View this post on Instagram
