Состојки:
3 килограми праски
1 килограм шеќер
1 пакување цимет
2 лимони
Подготовка:
Убаво измијте ги и излупете ги потребните праски. Потоа во подлабок сад со ладна вода во која сте додале сок од два лимона, оставете ги вака подготвените праски да отстојат околу 30 минути, сѐ со цел на овој начин успешно да спречите нивно потемнување, а со тоа и комплетно губење на нивната карактеристична боја.
Откако ќе помине потребното време, обидете се да ги исцедите праските колку што можете подобро.
Префрлете ги во тенџере, додајте им го шеќерот и циметот и оставете го мармаладот убаво да се свари.
Мешајте постојано за да спречите негово загорување.
Вака подготвениот мармалад, складирајте го во стаклени тегли.
