Состојки потребни за подготовка на 12 мафини:
2 тиквички
малку сол
2 јајца
1 прашок за печиво
200 милилитри јогурт
100 милилитри масло за јадење
брашно по потреба
Подготовка:
Пред да почнете со подготовката на мафините, вклучете ја рерната да се загрева на 200 степени.
Тиквичките убаво измијте ги, излупете ги, а потоа изрендајте ги на најситната страна од рендето.
Убаво посолете ги и оставете ги неколку минути да отстојат за да ја испуштат водата што се наоѓа во нивниот состав. Потоа, вака подготвените тиквички, убаво исцедете ги и префрлете ги во друг сад.
Во садот со тиквичките додајте ги јајцата, прашокот за печиво, маслото и јогуртот и сето тоа убаво измешајте го. На крај додајте брашно по потреба.
Добиената смеса, ставете ја во сад са подготовка на мафини. Печете околу 30 минути.
