За жал, факт е дека стриите нема да исчезнат, но можеме сосема ефикасно да ги направиме што помалку видливи, па дури и невидливи, односно изедначени со бојата на тенот.
Губењето килограми позитивно влијае врз самодовербата, но има и една несакана последица, особено ако се изгубат многу килограми или ако тоа се случи нагло.
Поради големите варијации во тежината, се оштетуваат колагенот и еластинот на кожата. Лекарите советуваат дека првиот чекор во спречување на појава на стрии е да слабеете постепено, а не нагло. На тој начин не се губи еластичноста на мускулите.
Ако вежбате, правете го тоа со тренер, за да избегнете грешки. Кремите за таа намена не се секогаш толку ефикасни колку што ги рекламираат. Но, две состојки сигурно можат да помогнат, ретинолот и витаминот А.
Ако ги додадете дури и во најобичните лосиони за тело, може да постигнете подобар резултат отколку со комерцијалните креми против стрии. Но, дерматолозите предупредуваат да не очекувате чуда, бидејќи стриите се трајно оштетување на кожата и може само да избледат, а многу ретко да исчезнат.
Исто така во нивното маскирање помага и алое вера гелот од самото растение и маслиновото масло, но само доколку редовно се употребуваат, односно мачкаат на најзафатените делови од стрии.
