Многу жени обожаваат да користат пилинг на лицето и во делот на вратот и деколтето бидејќи дава чувство на мазност, но и на беспрекорна чистина.
Затоа и е лесно да се претера со неговата употреба, без разлика дали се работи за механички или хемиски пилинг.
Козметичарите предупредуваат дека површинскиот слој има и заштитна улога, па ако премногу триете или ако пречесто правите пилинг, го оштетувате и тој слој. Поради тоа кожата е црвена, исушена и иритирана. Дополнително ситуацијата ја влошуваат и одредени тоници и серуми кои се богати со витамин Ц и ретинол.
Ако се случи оштетување на кожата поради претеран пилинг, треба една недела да одморите од козметичките производи кои довеле до тоа, а наместо нив, да користите производи врз база на масла и вода.
Употребувајте средства за интензивна нега на чувствителна кожа уште две недели, пред да се вратите на редовната нега.
