Работата во телевизија подразбира „малтретирање“ на кожата и косата. Така, и презентерката и уредник во телевизија „Алфа“, Елена Марковска, постојано е изложена на несекојдневна шминка, со подлога, па со пудра, па камена пудра.
– Таа „тешка“ шминка ја поднесувам со часови, па кога ќе се вратам дома, по напорниот ден поминат на вести, морам да ја истретирам кожата. Темелно го мијам лицето и потоа нанесувам маска која сама си ја подготвувам со состојки што сите ги имате во фрижидер – вели Елена.
Еве го нејзиниот проверен рецепт за потхранување на лицето:
2 големи лажици јогурт, 1 мала лажица мед и 1 мала лажица мајонез. Состојките се мешаат, па потоа маската се нанесува на лицето. Оставете ја да отстои половина час. Отстранете ја со млака вода.
