Со завршувањето на третата деценија од животот, жените треба да пристапат кон посериозна нега и навики, а треба и да се ослободат од она што може да наштети.
По навршувањето на 30-тата, кожата почнува да се менува со многу поинакво темпо, што бара и промени на одредени навики.
Никогаш не спијте со шминка
Нашата кожа со текот на годините бара поспецифична нега, а тоа подразбира и редовно чистење на шминката. Никогаш не дозволувајте уморот да ве надвладее и да си легнете со шминка. Користете специјални лосиони за отстранување на шминката.
Промени во телесната тежина
Нашето тело се менува по 30-тата. Во своите 20-ти вашиот организам може да поднесе поголеми осцилации. Но, во тој период и метаболизмот ви е побрз. Затоа, откако ќе наполните 30 години внимавајте на телесната тежина, бидејќи секоја промена е видлива и може да ја оштети кожата.
Претерано изложување на сонце
Изложувањето на сонце е потребно за да може телото да синтетизира доволно витамин Д на природен начин. Но, внимавајте и на лосионите со заштитен фактор. Немојте да користите креми без заштитен фактор, најмалку СПФ 20, за да спречите сушење и предвремено стареење на кожата.
Агресивна козметика
За разлика од 20-тите години, кога можевте да користите пилинзи, средства против акни и тоници за отстранување на маснотијата на кожата. Отсега треба да се посветите на хранливи и хидратантни креми и лосиони, како и да користите понежни средства за миење на лицето.
