Британската нутриционистка Џена Хоуп ги откри правилата до кои треба да се придржуваат сите кои сакаат да станат вегани со цел да го одржат својот имунитет и да бидат поздрави.
Таа објасни која е клучната група на билки и витамини кои треба редовно да ги внесувате за вашиот организам да не ослаби.
„Разновидноста на храната е многу важна за добивање на здрави цревни микроби за кои знаеме дека се поврзани со многу фактори од општото здравје, меѓу кои се управувањето со телесната тежина, спиењето и имунитетот. Оние кои се на веганска диета треба да се осигураат дека поголемиот дел од нивната диета содржи зеленчук, овошје, грав, мешунки, јаткасти плодови и семки“, изјави таа.
Секоја веганска чинија треба да содржи грашок, брокула, карфиол, домат, печурки, пиперки, спанаќ, мирудии, тиквички и слично.
„Оброците треба да содржат и извори на протеини како што се киноата, гравот, леќата, јаткастите плодови, како и компирот, интегралниот ориз, кус-кус и слично. Овие состојки се важен извор на масти и помагаат во апсорбирањето на хранливите состојки, инсулинот, продукцијата на хормони и регулирањето на воспаленијата. Храната како семките, маслиновото масло и авокадото се одлична веганска опција“, истакна таа.
Кога станува збор за витамините, ситуацијата е малку потешка со изборот на храна, но не е невозможна. Калциумот е есенцијален за здравјето на коските и може да се најде во млечните производи, но го има и во зелениот лиснат зеленчук и во млекото кое не се добива од животни. Јодот исто така е во млечните производи и белата риба, но веганите можат да го најдат во морската храна, компирите и сувите сливи.
Веганите често имаат проблем со недостаток на витамин Д и поради тоа треба да пијат таблети кои го содржат овој витамин.
