Овие четири рецепти за закрепнување на косата се одлични пред крајот на летото и за нив не ви треба ништо повеќе од состојките што дефинитивно ги имате дома, а кои се природни и ефикасни. Не може да биде поедноставно.
МАСКА СО ЈАЈЦА
Наменето за: сува, кршлива, излитена коса на која и недостасува сјај
Изматете една жолчка со една лажица растително масло (маслиново, авокадо, арган, рицинус или кокос) и веднаш нанесете на косата прамен по прамен и оставете да делува половина час. Исплакнете и измијте со благ шампон, идеално без сулфат.
Ако вашата коса е густа и долга, дуплирајте ја количината на состојките и не користете белки од јајца.
МАСКА СО МЕД
Наменето за: дехидрирана коса која го загубила својот сјај и светли бои, особено плава
Измешајте две лажици мед со една лажичка сок од лимон, а потоа додадете една до две лажички млака вода – колку што е потребно за да ја направите масата хомогена и полесна за нанесување. Нанесете прамен по прамен, оставете да делува половина час и исплакнете темелно. Нема потреба да ја миете косата со шампон по оваа маска, ако е мрсна, измијте ја претходно.
МАСКА СО ЈОГУРТ
Наменето за: чувствителен и иритиран скалп, смирување на првут и дехидрирана коса која го загубила својот сјај
Измешајте една лажица грчки јогурт и една лажица мед, а потоа, во зависност од тоа кој проблем ви е најважен, додадете го следново. Ако имате сува коса, додадете една лажица растително масло (маслиново, авокадо, арган, рицинус или кокос). Ако имате мрсна коса, не додавајте масло туку лажица гел од алое. Ако имате првут, додадете малку етерично масло од чајно дрво или здравец или пачули во смесата.
Нанесете на главата прамен по прамен и оставете да делува половина час, а потоа исплакнете и измијте ја косата со благ шампон без сулфат.
МАСКА СО КОКОСОВО МЛЕКО
Наменето за: кадрава, наелектризирана и сува коса
Измешајте три лажици кокосово млеко и една лажица рицинусово масло. Ако вашата коса е долга и густа, дуплирајте ја дозата. Во оваа основа можете да додадете 2 до 3 капки есенцијално масло од чајно дрво или една изматена жолчка (не белка). Оставете да делува еден час и измијте ја косата со благ шампон без сулфат.
Извор: „stil.kurir“
