Многумина од нас штом ќе се разбудат сакаат да се расонат и да ја зголемат енергијата со кафе или чај. Сепак, многу експерти не препорачуваат топли напитоци на празен стомак, туку велат дека денот треба да започне со чаша вода, па суво овошје, а еден час подоцна може да следи омилено кафе или чај, пишува „PinkVilla“.
Дури и ако поради некоја причина не можете да се откажете од таа топла шолја чај или кафе, би било добро да јадете нешто со неа за да ја одржите енергијата во текот на денот. За да имате доволно енергија во текот на денот, треба редовно да јадете. Тоа значи најмалку пет помали и внимателно измерени оброци дневно. Ако се прејадете, брзо ќе се чувствувате надуени, непријатно и поспано.
Диетичарката Вибха Пури наведува неколку намирници кои ќе ви помогнат да имате енергија цел ден.
Банани
Доколку вашата исхрана го вклучува ова вкусно и здраво овошје, менито сте го збогатиле со храна која содржи многу хранливи материи неопходни за нормално функционирање на организмот. Покрај тоа што позитивно влијае на здравјето, бананата може да послужи и како гориво за тренинг или извор на енергија за извршување на секојдневните задачи. Тие се богати извори на калиум, витамин Б6 и сложени јаглехидрати. Бананите се богат извор на енергија. Покрај витаминот Б6, содржат и витамин Ц, кој е моќен антиоксиданс бидејќи ги штити клетките на телото од оштетување на слободните радикали. Исто така, витаминот Ц помага при апсорпција на железо и формирање на колаген. Овој витамин помага и за здравјето на мозокот со стимулирање на лачењето на серотонин, хормон кој прави да се чувствуваме добро и подобро да спиеме. Бананата содржи шеќер, поради што е одличен извор на енергија. Затоа, можете да го консумирате за појадок или како ужина пред тренинг за да се имате енергија за сите предизвици што претстојат.
Кафеав ориз
Кафеавиот ориз е неверојатен извор на влакна и витамини. Ќе ве држи сити долго време, а го регулира нивото на шеќер во крвта бидејќи има низок гликемиски индекс. Ова создава доволно енергија за телото да остане полно со енергија цел ден.
Мрсна риба
Таа е богат извор на омега масни киселини. Лососот и туната се најдобриот избор. Богати се и со витамин Б12 кои со фолната киселина делуваат на регулација на црвените крвни зрнца и го подобруваат железото во крвта. „Подобри црвени крвни зрнца значат подобра енергија и помалку замор“, вели диетичарката.
Јајца
Белките се богати со протеини кои нè одржуваат силни и активни во текот на денот. „Јајцата се богати со аминокиселина наречена леуцин, која помага во разградувањето на мастите за да се создаде постојана енергија“, вели Пури.
Јаткасти плодови
Општо е познато дека јаткастите плодови се неверојатен извор на јаглени хидрати, влакна и омега 3 масни киселини. Оревите, индиските ореви и бадемите се најдобриот избор. Тие учествуваат во зголемувањето на нивото на енергија и го одржуваат човекот неуморен во текот на денот. „Овие јаткасти плодови, кога се консумираат со кој било млечен производ, го зголемуваат нивото на енергија, задржувајќи го во текот на денот“, објаснува Пури.
