Колку долго остануваат антителата во телото по ковид-19 е едно од клучните прашања за кои го бараме одговорот од почетокот на пандемијата…
Во истражување, објавено во „Nature Microbiology“, кое се заснова на тестирање на антитела на 38 пациенти и здравствени работници во болницата „Сент Томас“ кои биле заразени за време на првиот бран на пандемијата на коронавирус, пред да бидат вакцинирани се открило дека:
И покрај првичниот пад на нивото на антителата веднаш по инфекцијата, кај повеќето луѓе (18/19 пациенти) антителата биле откриени 10 месеци по инфекцијата.
Истражувачкиот тим, предводен од д-р Кејти Дорс од „Факултетот за имунологија и микробиолошки науки„, исто така тестираше како антителата создадени за борба против специфична варијанта на SARS-CoV-2 ќе реагираат на други варијанти. Се покажа дека антителата генерираат силен одговор на повторна инфекција со истиот сој, но биле помалку ефикасни кога се бореле со други соеви, пренесува „ King’s College“ во Лондон.
Антителата се врзуваат за шилестиот протеин на вирусот SARS-CoV-2, а вакцините го имитираат овој протеин за да создадат имунолошки одговор. Сепак, мутациите во новите соеви на вируси (алфа, бета, делта) предизвикаа загриженост за тоа дали вакцините развиени за да ја таргетираат оригиналната варијанта на коронавирус ќе бидат ефективни против новите варијанти и дали новите вакцини треба да се редизајнираат.
Овие резултати сугерираат дека вакцините специјализирани за еден вид би биле помалку ефикасни во однос на другите соеви и дека вакцините дизајнирани за оригиналната варијанта на вирусот, обезбедуваат најдобра заштита од сите соеви.
