Во 82 отсто од случаите кај децата и младите заразени со ковид-19, покачената температура е прв знак на заразата, а потоа и кашлица, односно со спротивен распоред од обичниот сезонски грип, стои во заклучокот од истражувањето спроведено од италијанското здружение на педијатри и инфектолози.
Според пишувањата на магазинот „Фанпејџ“, специјалистите анализирале речиси 800 случаи на зараза со коронавирус кај децата и утврдиле дека третиот најчест знак на инфекција со ковид-19 кај децата е затнат нос, а потоа и пролив.
– Постојат и други симптоми како на пример повраќање, главоболки, проблеми со дишењето, болки во стомакот, инфекции на кожата, но сите симптоми кај децата, освен во посебни случаи, се благи, што отежнува да се воспостави дијагноза, вели претседателот на италијанското здружение на педијатри, професорот Алберето Кјара.
Истражувањето покажало дека децата помали од една година кои се инфицирани со коронавирусот најчесто имаат кашлица и затнат нос, а според мислењето или советот на педијатрите, стомачните проблеми кај децата исто така можат да бидат знак за аларм.
