Бројот на заболени од морбили на глобално ниво зголемен четирипати

Светската здравствена организација (СЗО) соопшти дека бројот на заболени од мали сипаници ширум светот во првите три месеци од 2019 година се зголемил четирипати во однос на истиот период минатата година.

СЗО наведува дека епидемии се забележани во сите делови на светот, а најдраматичен раст има во Африка – повеќе од 700 отсто.

Вистинската бројка може да биде и многу повисока, бидејќи глобално се пријавува само еден од 10 случаи на заболени, наведува СЗО, која истакнува дека морбилите понекогаш можат да доведат до сериозни здравствени компликации, вклучувајќи болести на белите дробови и на мозокот.

Украина, Мадагаскар и Индија се земјите во кои се најраспространети малите сипаници, каде се бележат десетици илјади случаи на милион жители.

Само во Мадагаскар од септември минатата година од морбили починале најмалку 800 луѓе.

Епидемии ги погодија и Бразил, Пакистан и Јемен, „предизвикувајќи голем број на смртни случаи – претежно на деца”, а има зголемување на бројот на случаи во земји каде што бројот на вакцинирани е висок, вклучувајќи ги САД и Тајланд.

Во 170 држави, се регистрирани 112.163 случаи на мали сипаници, додека во истиот период во 2018 година во 163 земји имало 28.124 случаи.

Поголемиот дел од заболените, 94 проценти, не биле вакцинирани, нецелосни вакцинирани или со непознат статус на вакцинација.

Обединетите нации објавија дека болеста „целосно може да се спречи” со вистинска вакцина, но глобална покриеност на првата фаза на имунизација „застанала” на 85 отсто, и „се уште не го достигнато нивото од 95 отсто вакцинирани, што е потребно за да се спречи појава на епидемии”.

Првиот човек на СЗО, Тедрос Аданом Гебрејесус и шефицата на Детскиот фонд на ОН (УНИЦЕФ), Хенриета Форе истакнуваат дека светот е „во сред криза на мали сипаници”, и дека за тоа е виновно ширењето на збунувачки и контрадикторни информации за вакцините.

– Повеќе од 20 милиони животи се зачувани благодарение на вакцините против сипаници само од 2000 година – наведоа шефот на СЗО и шефицата на УНИЦЕФ.

Слични објави

НАЈДОБРИОТ РЕЦЕПТ за сос за сите видови месо и риба

Igor

Здравјето влегува преку устата: Колку овошје, а колку зеленчук треба да јадеме секој ден?

Igor

Која е подобра за вас? Клучни разлики меѓу платнените и хируршките маски

Еспресо

Само три состојки пред спиење, за поубави и поодморени утра

Igor

Враќање на трендот од 90-те во голем стил: Заводливата сукња повторно е хит! (ФОТО)

Igor

Бела Хадид призна: Работата ме натера да плачам секој ден!

Igor

Остави Коментар

осум + 8 =

Слични објави

Поправете си ја крвната слика на природен начин

Слободен печат

Салата од црвени пиперки (ВИДЕО РЕЦЕПТ)

Igor

Трансформација: Никогаш видена снимка од Анџелина Џоли прегледана 1,8 милиони пати (ВИДЕО)

Igor

Направете го сами најдоброто и најевтиното средство за чистење стакло (ВИДЕО)

Igor

Лекови што не смеете да ги делите на половина

Еспресо

Кога телото и умот повеќе не можат: Јасни показатели дека пукате од стрес

Igor