Познато е дека Саша Поповиќ е љубител на добри автомобили и не штеди пари за својата колекција.
Неодамна беше снимен во Белград како вози бело „ферари “, чија цена се движи од 300.000 евра нагоре, а сега на снимањето на емисијата „Ѕвездите на Гранд“ дојде во црвено, чија вредност изнесува дури половина милион евра. Само што пристигна, погледите на присутните беа насочени кон неговото возило, бидејќи многумина досега не виделе толку скап автомобил. Новото „ферари“ на Поповиќ можете да го погледнете ТУКА.
Инаку, како што претходно објавија медиумите, Поповиќ кон крајот на минатата година го купи црвеното „ферари“. Инаку, тој купува по едно возило секоја година, па поседува и бело Порше, како и три автомобили „БМВ“, два „мерцедеса“, но и скромен автомобил како „Смарт“.
И самиот призна дека отсекогаш трошел најмногу пари на автомобили.
– Прв ги купив сите модели на „Мерцедес“ во 83 година, четврта, петта… Од тогаш ја имам оваа љубов кон автомобилите. Се разбира, во 1993 година, кога ги изгубив парите кај Дафина, останав без пари. Без ниту еден динар се возев четири години во автобус – изјави Саша Поповиќ за Гранд.
