Драгана Мирковиќ проговори за разводот со Тони Бијелиќ, неполни 24 часа по моментот кога јавноста и официјално беше информирана дека долго време не се заедно.
Таа беше домаќин на хрватски медиумски тим во замокот во близина на Виена, а на прашањето за разделбата со Тони, таа се расплака.
– Ова е многу тежок период за мене, исто како во 90-тите. Поминувам низ многу тежок период, но кога е најтешко, тогаш сум најсилна – изјавила Драгана за „24sata.hr“ и ги избришала солзите.
Пејачката пред неколку месеци во ексклузивно интервју за Информер проговори за бракот со бизнисменот.
– За да остане семејството заедно, потребна е жртва. Обично жената е жртва, бидејќи таа е столбот на семејството. Жената е жена, работничка, и мајка… Во овој случај таа е и ѕвезда. Морав да дадам многу од себе, да направам отстапки. Не може да трае ако одите по својот пат. Ако нема компромис и договор… Ако има проблем, да го решиме – изјави Драгана Мирковиќ на ТВ Информер.
