Популарната холивудска актерка Ен Хатавеј на хумористичен начин одговори на прашањето за полот на нејзиното трето дете за време на доделувањето на наградите на „Дизни“. Актерката, која веќе има два сина со сопругот Адам Шулман, примаше признание кога од публиката стигна прашање што ја насмеа, а нејзината реакција ги воодушеви присутните.
Додека беше на сцената, некој од публиката праша: „Дали е момче или девојче?“ Актерката, мајка на десетгодишниот Џонатан и шестгодишниот Џек, не размислуваше долго.
„О, само бидете трпеливи“, одговори таа низ смеа. Откако публиката реагираше со аплауз и смеа, таа го погали својот труднички стомак и додаде: „Ќе дознаете за околу пет минути“.
Со тоа, таа навести дека терминот за породување можеби е многу близу. Хатавеј претходно изјави дека не планира да го открие полот на детето пред раѓањето. Актерката ја опиша својата бременост како посебно искуство, а во емисијата „Jimmy Kimmel Live“ рече дека целиот период за неа бил „навистина прекрасен“. Таа додаде дека нејзините синови со нетрпение го очекуваат доаѓањето на новиот член на семејството, а на прашањето како ја усогласува бременоста со интензивниот работен период во кој се прикажуваат неколку нејзини филмови, таа одговори дека се обидува да ужива во секој момент.
Сепак, бременоста предизвика и некои несакани коментари на интернет. По премиерата на „The End of Oak Street“ (Крајот на улицата на дабовите), некои корисници тврдеа дека нејзиниот труднички стомак не е вистински. Еден корисник на платформата X напиша дека стомакот изгледа „како да е нарачан од Amazon“, додека други тврдеа дека бременоста изгледа необично бидејќи таа добила тежина само во пределот на стомакот. Хатавеј не се впушти во дискусии за таквите коментари, туку кратко одговори на Instagram: „Вештачка коса, вистински стомак“.
„Не мора да се изгубите себеси кога ќе станете мајка“ Хатавеј претходно зборуваше за тоа како мајчинството ѝ го променило животот, но и нагласи дека жените не треба да заборават на себеси по раѓањето на детето. Таа го опиша мајчинството како „забавна и хаотична авантура“ и „убава песна што трае“.
