Според известувањето кое доаѓа од угледниот Wall Street Journal, се очекува Twitter да ја одбие понудата за купување од Илон Маск.
Во следните неколку дена Твитер се очекува да ја одбие понудата на милијардерот Илон Маск за купување на социјалната мрежа.
Весникот „Волстрит џурнал“ ја пренесуваа оваа вест, повикувајќи се на некои извори, според кои гигантот „Аполо Глобал Менаџмент“ размислува да учествува во понудата за Твитер. „Аполо“, според весникот „би можел да му ги обезбеди на Маск или на приватната компанија Тома Брави потребните средства за понудата“.
Да потсетиме, минатите денови Илон Маск достави понуда за купување на сите акции на Твитер. Милијардерот и сопственик на компанијата за производство на електрични автомобили „Тесла“, понуди 41,39 милијарди долари за 100 проценти акции на социјалната мрежа.
Одборот на Твитер, веднаш по понудата на Илон Маск, стави до знаење дека понудата е „необврзувачки предлог“ дека „не може да има гаранција дека ќе се постигне дефинитивен договор или дали операцијата ќе се изврши“.
Бордот на Твитер тогаш одговорија дека ќе ја разгледаат понудата на Маск и ќе одговорат во „најдобар интерес на сите акционери“.
