Сите што гледале барем едно од продолженијата на култната анимирана серија „Ледено доба“ добро го познаваат ликот на верверицата Скрат, која мака мачи каде да го скрие својот желад за подоцна да може да го јаде на мир. Тоа не му одеше од од рака уште од 2002 година, кога беше објавен првиот филм, но тимот од студиото Блу Скај, креаторите на „Леденото доба“, реши да му помогне конечно да успее во неговата намера.
На видеото што беше неодамна објавено на Jутјуб со наслов „Крај“, се гледа како Скрат го јаде желадот. Во соопштението се вели: „Во последните денови на студиото Блу Скај се собра мал тим од уметници за да го направи ова видео. Ова е нашето збогување, поздрав според наши услови.“
Видеото е прегледано речиси два милиони пати.
Имено, пред околу една година студиото објави дека ќе престане со работа поради лошото работење предизвикано од пандемијата на корона вирусот. „Дизни“ го купи уште во 2019 година, а студиото се затвори на почетокот на овој месец.
