Илон Маск достави понуда за купување на сите акции на Твитер. Милијардерот и сопственик на компанијата за производство на електрични автомобили „Тесла“, нуди 41,39 милијарди долари за 100 проценти акции на социјалната мрежа.
„Твитер треба да се трансформира во приватна компанија. Како резултат на тоа, сакам да купам сто проценти од акциите на Твитер за 54,20 долари по акција во готовина. Мојата понуда е најдобра и тоа е последна понуда, а доколку не биде прифатена, ќе треба да ја преиспитам мојата позиција како акционер“, изјави Маск.
Како финансиски советник Маск ја ангажирал банката „Морган Стенли“.
„Инвестирав во Твитер бидејќи верувам во неговиот потенцијал да биде платформа за слобода на говор ширум светот. Верувам дека слободата на говорот е социјален императив за функционална демократија, напиша Маск во писмото до претседателот на Твитер, Брет Тејлор, откако на 1 април стана сопственик на околу девет отсто од акциите на Твитер.
I made an offer https://t.co/VvreuPMeLu
— Elon Musk (@elonmusk) April 14, 2022
Одборот на Твитер стави до знаење дека понудата е „необврзувачки предлог“ дека „не може да има гаранција дека ќе се постигне дефинитивен договор или дали операцијата ќе се изврши“. Доколку трансакцијата, која ја гледа Морган Стенли како финансиски советник, биде успешна, Твитер ќе биде отстранет од листата и ќе се збогува со Њујоршката берза.
Твитер вели дека ќе ја разгледа понудата на Маск и ќе одговори во „најдобар интерес на сите акционери“.
