Овој брз и лесен рецепт за домашен намаз, може да се комбинира со многу други посни јадења како додаток или како главно јадење и доаѓа директно од тефтерот со стари традиционални македонски рецепти.
Состојки:
– 6 компири
– 300 гр мелени ореви
– 2 лажици доматно пире
– 2 лажици сенф
– сок од ½ лимон
– 2 чешниња лук
– сол и бибер по вкус
Подготовка:
Сварете ги компирите и со пасирање подгответе ги како за пире. Ставете го пирето во подлабок сад и додадете сол, бибер, лук (убаво истолчен), доматно пире, сенф, ореви и лимон.
Измешајте ја смесата убаво со миксер додека не добиете хомогена смеса.
Намазот ставете го стаклена тегла и уживајте во него кога и да посакате.
Одлично оди и со печени компири или во комбинација со некоја свежа салата.
