Познатата пејачка Тереза Кесовија (82), неодамна излезе од комфорната зона и одлучи да оствари соработка со групата „Лет 3“ на новата верзија на песната „Сам у води“ од албумот „Two Dogs Fucking“, пишува Јутарњи лист.
Кесовија во 60-годишната кариера не отстапуваше од своите рамки, а за Јутарњи лист откри дека ова ѝ бил предизвик.
„Ова едноставно не сакав да го пропуштам“, објаснила.
Како што вели, по снимањето на демо снимката ѝ се јавил Дамир Мартиновиќ Мрле, основачот и басист на групата „Лет 3“ и ѝ рекол дека кога ја преслушувал снимката, четирипати заплакал.
– Мрле и Прља сакаат да ме видат во долг фустан. Велат: „Вие мора да останете Вие“. Ќе ја почитувам нивната желба – објаснува Кесовија.
Во продолжение слушнете го аудиото од песната „Сам у води“.
Во текот на нејзината долгогодишна кариера, обожавателите знаеле да ја изненадат со различни подароци. Најнеобичен, како што вели, е црвената долна облека што ја добила за Нова година од нејзин обожавател.
