– Утре и во вторник како што веќе најавивме, времето во Македонија ќе биде сончево и МНОГУ ТОПЛО со мала до умерена локална облачност. Сепак во попладневните часови не се исклучува можноста за ретка појава на краткотраен пороен дожд, грмежи и засилен ветер. Температурите ќе се искачуваат во интервалот од 25 до 32 степени.
И во Скоспкиот регион во следните два дена времето ќе биде претежно стабилно, суво и сончево, како и МНОГУ ТОПЛО со мала локална облачност. Максималните температури ќе се искачуваат во интервалот помеѓу 29 и 31 степен.
Пад на температурите на воздухот, засилен северен ветер и локална нестабилност се очекува во среда, и тоа поради влијанието на посвежа воздушна маса од север – вели метео прогнозерот Славчо Попоски.
