-Како што веќе најавивме утре ќе има појава на повремен локален дожд, додека од четврток па натаму времето ќе биде променливо облачно, а ќе има и појава на сончеви периоди. Ќе дува слаб до умерен, а во четврток повремено засилен ветер од северен правец. Температурите ќе бидат натпросечно високи и максималните дневни ќе се искачуваат во интервалот од 6 до 13 степени – вели метео прогнозерот Славчо Попоски.
Во Скопје и околината утре ќе има услови за слаби локални врнежи од дожд, додека од четврток па натаму времето ќе биде променливо облачно со сончеви периоди. Температурите ќе се искачуваат во интервалот помеѓу 8 и 11 степен.
Според Попоски, за време на новогодишната ноќ времето ќе биде ведро и не многу студено со натпросечно високи температури на воздухот. Ќе има појава и на умерена локална облачност а ќе дува и слаб до умерен ветер од северен правец. Температурите ќе се движат во интервалот од 1 до 8 степени. Особено топло ќе биде на првиот ден од новата 2022 година, односно во сабота кога температурите ќе бидат ЗНАЧИТЕЛНО НАТПРОСЕЧНИ и ќе се искачуваат во интервалот од 10 до 16 степени, а времето ќе биде сончево со умерена локална облачност.
