Хрватската пејачка Северина ќе се најде на списокот на поединци и фирми кои ќе добијат помош од државата поради економската криза што ја зафати Хрватска, како и целиот свет, како последица на пандемијата на коронавирусот.
Во понеделник во Хрватска ќе биде објавен списокот на компании кои бараат исплата на минимална плата.
Вечерњи лист дознава дека и Северина ќе се најде на тој список. Професијата на Северина се води како самостојна, а пејачката пријавила дека приходот и паднал за повеќе од 20 проценти и таа побарала помош од владата за да и ја исплати платата.
Сите работодавци ќе добијат или веќе добиле 3250 куни (430 евра) за секој регистриран работник за март, пишува Јутарњи лист.
