7.8 C
Скопје
00:02 - 29 март, 2024

Претседателот на Северна Кореја ги „лечи“ граѓаните: „Гаргара со солена вода против коронавирусот!“

Гаргара со солена вода против вирусот. Ова е лекот што Ким Џонг-ун, претседателот на Северна Кореја им го предложи на граѓаните позитивни на Ковид, според извештаите на севернокорејската новинска агенција KCNA. Во меѓувреме, епидемијата се шири низ целата земја, со над милион заразени и не покажува знаци на намалување дури и со првите ограничувања наметнати од Пјангјанг.

Ким ја мобилизираше армијата да се справи со вонредната состојба

Ким ги обвини службениците на неговиот кабинет за јавно здравје дека се одговорни за вонредната состојба бидејќи „тие не ги засукаа ракавите, адекватно не ја препознаваа кризата“. Потоа нареди итно распоредување на „силите“ на армискиот медицински кор за да се „стабилизира снабдувањето со лекови во градот Пјонгјанг“.

Ким ја „фрли вината“ на аптеките кои „не беа добро опремени“. Меѓу недостатоците што ги пријави лидерот, нема соодветно складирање на лекови, продавачите се неопремени со соодветна здравствена облека и а хигиената во околината не ги задоволува стандардите.

Според експертите, Северна Кореја има еден од најлошите здравствени системи во светот, со слабо опремени болници, неколку единици за интензивна нега и без лекови за третман на Ковид или можности за масовно тестирање.

„Додека беше во посета на аптека, Ким Џонг-ун со свои очи го виде недостигот на лекови во Северна Кореја“, рече Чеонг Сеонг-јанг, истражувач во Институтот Сејонг. „Ситуацијата веројатно се покажа како посериозна од, за него, очекуваното“.

Соочен со порастот на случаите, Ким рече дека сака да „учи“ од кинеската стратегија за нулта толеранција. Северна Кореја претходно ги отфрли понудите за вакцини од Кина и програмата Covax на Светската здравствена организација, но сега тие може да прифатат меѓународна помош за справување со вонредната ситуација создадена од варијантата Омикрон. Јужна Кореја понуди техничка поддршка и медицински материјали на владата на Ким, но сè уште не е добиен одговор од Пјангјанг. Позитивните во Северна Кореја се над еден милион (1.213.550). Во неделата имаше 50 смртни случаи.

Слични објави

(Видео) Миа Костова стана жртва на измама: Не рекламирам чаеви за слабеење, не наседнувајте на лажни реклами

Еспресо

(Фото) „Моите деца ме подмладуваат“: Симона Поповска го прослави 32. роденден со семејството

Еспресо

Принцот Хари ќе има кратка и официјална средба со кралот Чарлс: Еве ги деталите

еспресо

Уапсен познат српски естраден менаџер: Во станот му нашле дрога

Еспресо

Искрено со Пеце Суперхикс: Во лутина имаше и физички пресметки и фаќање за гуша, но затоа издржавме 30 години

Александра Георгиев

(Фото+видео) Сите гледаа во задникот на Цеца: Пејачката се „стегна“ во кожна комбинација од 350.000

Еспресо
Се вчитува....