Цеца Ражнатовиќ на Јутјуб годишно заработува 150.000 евра! Фолк-ѕвездата стана рекордерка во регионот – таа е првата пејачка која на тој видеосервис има милион следбеници, а нејзините снимки вкупно имаат дури милијарда и пол-прегледи!
Токму поради тој рекорд Цеца Ражнатовиќ и во доба на коронавирусот заработува добро.
– Цеца го отвори својот канал на Јутјуб во 2012 година и на него ги постави сите спотови, но и разни интервјуа, дури и снимката од својата свадба со Жељко Ражнатовиќ Аркан. Сите тие снимки имаат милионски прегледи, а најпопуларна песна ѝ е ‘Трепни’ од 2016 година, која има дури 68 милиони прегледи – за српски „Информер“ раскажува извор близок на пејачката, и додава:
– Цеца нема потпишано договор со ниедна продукција, за разлика од поголемиот број нејзини колеги, па со никого не мора да го дели приходот. Јутјуб на неспонзорираните канали, каков што е нејзиниот, заработката им ја исплатува на крајот на годината. Така Цеца последниве три години заработуваше околу 100.000 евра годишно, а последниот пат на сметката ѝ беа уплатени повеќе од 150.000 евра. Снимките на Цеца се хит низ целиот свет, секаде каде што живеат наши луѓе. Неодамна прослави милион следбеници на Јутјуб, а нејзините снимки до вчера имаа 1.527.018.232 прегледи – раскажува пријателот на Цеца.
