Доколку некој обожава да ги менува своите фризури, тогаш тоа дефинитивно е Кајли Џенер.
Оваа млада милијардерка ги има сите должини и бои на перики кои можете да си ги замислите, но и обожава да ги менува на секојдневна база. Потсетуваме, таа неодамна ја проба плетенката долга неколку метри која нејзините следбеници ја споредија со змија.
Сепак, иако обожава да се средува, на Кајли понекогаш ѝ е потребен одмор од екстензии и перики. Токму затоа на својот инстаграм-профил објави „стори“ на кое позира со мокра коса во боб-фризура и медено руса коса со темен корен.
„Коренот е скоро завршен“, напиша бјути могулот на фотографијата алудирајќи на моменталната трансформација од темно-смеѓа нијанса до медено-руса.
Иако во последно време најчесто ја носи оваа боја на коса, секогаш ја надополнува со екстензии, бидејќи очигледно кратката коса веќе не ѝ се допаѓа.
