Посрамениот холивудски продуцент Харви Вајнстин е осуден на 23 години затвор за силување и сексуален напад, пишува Би-Би-Си.
Вајнстин беше прогласен за виновен на судењето во Њујорк минатиот месец, означувајќи го крајот на неговата кариера како еден од највлијателните личности во Холивуд.
67-годишниот продуцент во судот се појавил во инвалидска количка.
Адвокатите на Вајнстин бараа пониска казна, инсистирајќи дека и минималната казна од пет години би можела да значи „доживотен затвор“ за него.
