Македонската убавица Билјана Јаневска, која минатата година освои три престижни награди за убавина и стана Прва придружничка на изборот за убавина Мис модел туризам во светот, новата година ја дочека во соседна Србија, во Нови Сад и Белград.
Вели дека била на заслужен одмор бидејќи цела година работела „турбо“. Оттаму ни носи свежи впечатоци, но и споредба меѓу Македонците и Србите.
– Македонките сме некако многу поубави, тука нема споредба, но затоа момциве се да ги грабнеш и бегаш. Високи, убави, згодни…со моите 177 сантиметри не симнувам критериум. А, Србинките се некако со „кренат нос“…, – ни го открива своето мислење нашата мисица и додава:
– Ние Македонките сме стабилни, приземни и најубави.
Инаку, ова била најубавата новогодишна прослава за Билјана. Дочек од соништата.
– Со мајка ми и со пријатели ја дочекавме новата година во центарот на Белград, точно на полноќ наздравивме со шампањско, а секако имаше и драматичен огномет. Се изнаплакав од среќа! – објаснува убавицата.
Која ѝ била желбата која ја замислила?
Не е една тука повеќе. Вели дека си замислила да си го осигура работното место, да земе решение, да си ја пронајде љубовта на својот живот, и да стане мајка.
– Не ги кријам своите желби и верувам дека некој од горе ги мести коцките. Сè ќе си дојде на свое место – вели таа.
Минатата година ќе ја памети по вработувањето во ЈП „Дрисла“ и по титулата на Прва придружничка на светскиот избор за убавина Мис модел туризам. Но, и по уште нешто. По влегувањето во политичките води.
– Во политичките води веќе сум влезена и нема назад. Сакам да успеам и на тоа поле! Кога може Колинда Грабар Китаровиќ, можам и јас – амбициозна е Билјана.
