Пејачката откри дека во блиска иднина би сакала да ја исполни улогата на мајка.
Пејачката Јована Николиќ Мишковиќ се приклучи на програмата на емисијата „Сценирање“ за да ѝ упати порака на својата блиска пријателка Марија Шерифовиќ.
„Ние двете си кажавме сè, па немам многу што да ти кажам, освен што сакам во блиска иднина да не ја распродаваш „Арена“, туку да менуваш пелени“, рече Јована.
На ова Марија искоментира:
„Колку е безобразна оваа Јована. Се шегувам… Ние двете сме многу, многу добри пријателки и поминавме многу во овој заеднички живот. Така да, убава, го земав тоа предвид.” рече Марија која претходно зборуваше за желбата да стане мајка.
Ова не е нова желба на Марија, таа уште пред неколку години изјавила дека би сакала да биде мајка.
„Генерално, се што има врска со дете е сериозна работа и за тоа нема шеги, тоа ќе ми се случи на многу плански начин, кога ќе бидам подготвена да ја потчинам суштината на мојот живот на Шерифовиќ помладиот. Знам како ќе се вика, но не можам да ви откријам“, вели Марија.
Таа откри дека може да се замисли себеси во венчаница и дека сака огромен бел фустан. Објасни дека бел фустан убаво ѝ прилега и дека веројатно тоа би била некоја гламурна Валентино венчаница.
