По долго премислување, една од трите ќерки на Брус Вилис и Деми Мур, Талула Вилис, реши да ја озакони својата долгогодишна врска додека нејзиниот татко, познатиот холивудски актер, сѐ уште е присебен.
Кон крајот на минатиот месец семејството на Брус Вилис го потврди она што се шпекулираше со месеци – на 67-годишниот холивудски актер му беше дијагностицирана афазија, поради што беше принуден да се пензионира како актер. Афазијата е стекнато губење или нарушување на говорот, говорното изразување или разбирање и е предизвикано од оштетување на мозокот, односно говорниот центар. Експертите велат дека најчесто се дијагностицира кај возрасни кои имале мозочен удар, но може да биде предизвикана и од тумори на мозокот, инфекции, повреди на главата или разни форми на деменција.
View this post on Instagram
Актерот знаел дека дијагнозата не е добра, што беше потврдено подоцна преку информациите дека го продал својот имот, снимил голем број филмови и се преселил со сопругата и двете помали ќерки во Калифорнија за да биде поблиску до неговите три ќерки од бракот со Деми Мур.
Токму една од ќерките, Талула, имала намера да ги промени плановите поради нејзиниот татко, а сега донела конечна одлука – да ја забрза организацијата на својата венчавка која имала намера да ја откаже поради болеста на Вилис.
View this post on Instagram
Талула ги прилагодила плановите за и тој да ужива во првата венчавка на една од неговите ќерки. Таа ќе се омажи за 33-годишниот режисер Дилон Бус, со кој е во долга врска, а венчавката ќе се одржи порано од планираното, за Вилис да биде активен на настанот.
Причината зошто Талула ги забрзала подготовките и не ја одложила венчавката, никого не остава рамнодушен, откри добро упатен извор:
„Тие донесоа заедничка одлука дека најважно им е Брус да биде присутен, но и доволно здрав да ја одведе до олтарот.“
Тоа е важно и за актерот кој сака да помине што е можно повеќе квалитетно време со семејството пред симптомите на афазија да станат посилни и да влезат во нова фаза.
View this post on Instagram
