Британскиот дворец јасно порача дека со здравјето на кралицата нема шегување…
Британското кралско семејство, како и поголемиот дел од светот, е во самоизолација поради пандемијата на коронавирусот. Меѓутоа, палатата одлучи да ги засили мерките за заштита кога станува збор за кралицата Елизабета.
Новите мерки подразбираат целосна изолација на кралицата Елизабета, па така ниту членовите на најтесното семејство нема да можат да ја видат или да стапат во личен контакт со неа.
По најавениот протокол, на кралицата смее да и пристапува само многу мал ограничен број на личности од нејзиниот дворец – нејзините асистенти, кои се вкупно осум. Меѓу нив се двете нејзини долгогодишни аѓутантки, кои со кралицата се 24 часа дневно, слугинката, личниот готвач и неколку помошници.
„Ризикот по нејзиното здравје мора да го сведеме на апсолутна нула, со оглед на нејзините години и на сериозноста на вирусот со кој сме соочени. Никој не смее да и пријде на кралицата, освен луѓето кои се тотално прегледани и имаат посебна дозвола за тоа. На тие луѓе им е забранет пристапот до било кое друго лице надвор од овој круг“, наведува изворот од кралството, пренесува Дејли Мејл.
