Популарната Кортни, најстарата сестра од Кардашијан, е горда мајка на 3 деца – момчињата Мејсон и Рејн и девојчето Пенелопе.
Таа понекогаш со своите следбеници на Инстаграм споделува симпатични и топли моменти кои ги дели со своите дечиња, па така и вчера откри како нејзиниот син Рејн си игра во кујната. Ријалити-ѕвездата објави неколку фотографии на кои малиот Рејн стои на столица пред шпоретот и меша во тавата, додека семејното куче Кабс се обидува да му се придружи.
„Добро утро од готвачите Рејн и Кабс“, напиша гордата Кортни.
Меѓутоа, изгледот на нејзиниот син не им се допаѓа на следбениците, а особено неговата фризура.
Во рок од неколку минути, голем број од следбениците на Кардашијан објасниле во коментарите дека Кортни треба да го однесе својот син на шишање.
„Скрати ја косата на ова сирото дете“, „Дали е Рејн момче или девојче?“, „Косата му е предолга, во ред е да биде малку подолга, но ова е веќе смешно“, „Ќе се запали несакајќи косата на Рејн“, „Мислев дека ова е Пенелопе“, се само некој од непријатните коментари кои Кортни ги доби на објавата.
