Од ХБО соопшија дека снимањето на специјалната епизода од популарната серија „Пријатели“ е откажано поради коронавирусот. Снимањето беше предвидено за следната недела, но од ХБО соопштија дека ќе почне најрано во мај.
Специјалната епизода, која требаше да ја собере старата екипа на актери беше предвидено да се емитува на стриминиг-сервисот ХБО Макс.
Серијата „Пријатели” се прикажуваше од 1994 до 2004 година, а последната епизода ја гледале 52,5 милиони луѓе во САД, што значи дека била најгледана во 2000-тите. Исто така, серијата подоцна привлече голем број помлади гледачи преку Нетфликс.
