Тројца фудбалери, четворица кошаркари, боксер, тенисер и американски фудбалер. Тие се на врвот на листата на 10 најплатени спортисти во светот. Форбс ги објави имињата на спортистите кои направиле најголем промет во последните 12 месеци.
На листата прв е ѕвездата на ПСЖ Лионел Меси, златната топка со 130 милиони, а потоа следат Леброн Џејмс и Кристијано Роналдо.
Од друга страна, прагот за влез во рангирањето се зголемува. Џанис Антетокумпо, кошаркарот на Милвоки Бакс, влезе со 80,9 милиони долари, додека во 2019 година 65,4 милиони беа доволни за влез во Топ 10.
И оваа година жените се отсутни.
View this post on Instagram
Лионел Меси (130 милиони долари), кралот на најплатените спортисти
Уште еден подиум за фудбалската ѕвезда Лионел Меси. Аргентинецот, број 30 на Пари Сен Жермен всушност направи промет од 130 милиони долари во последните 12 месеци, од кои 55 надвор од теренот. Седумкратната Златна топка всушност склучи договор со апликацијата за криптовалути Socios и ги задржа договорите со Adidas, Pepsi и Budweiser.
Откако се пресели од Барселона во Париз, тој постигна само девет гола на 32 натпревари.
Леброн Џејмс (121,2 милиони долари), апсолутен владател надвор од теренот
Можеби го пропушти НБА плеј-офот по неколку сезони, но Леброн Џејмс беше апсолутен владетел на кошарката надвор од теренот. Ѕвездата на Лос Анџелес Лејкерс всушност има вкупно 121,2 милиони долари, од кои 80 се заработени надвор од теренот.
Кристијано Роналдо (115 милиони долари), неприкосновената ѕвезда на социјалните мрежи
Како и неговиот долгогодишен ривал Лео Меси, така и Кристијано Роналдо минатата сезона немаше големо задоволство на теренот. По трансферот од Јувентус во Манчестер Јунајтед, тој во осминафиналето се прости од Лигата на шампионите и во Премиер лигата се наоѓа на анонимна шеста позиција.
Сепак, неговиот паричник е насмеан, со оглед на тоа што има промет од 115 милиони од кои 55 за спонзорства и партнерства надвор од фудбалот. Голем дел од неговите приходи потекнуваат од 690 милиони следбеници што ги брои на Инстаграм, Фејсбук и Твитер.
Нејмар (95 милиони долари), разочарувачка година но со полн паричник
Бразилскиот талент на ПСЖ заработи 95 милиони долари, од кои 70 за неговите спортски активности и покрај разочарувачката година. Надвор од зелениот правоаголник, може да се пофали со договори со Puma и Red Bull, инвестицијата во NFT и наскоро ќе биде во центарот на документарниот филм на Нетфликс, „Neymar: The Perfect Chaos“.
Стивен Кари (92,8 милиони долари), спортист кој најмногу заработува од спортот
Со 45,8 милиони долари (од вкупно 92,8 милиони долари), Стивен Кари е кошаркарот со најголема заработка од неговите спортски активности. Гардата на Голден Стејт Вориорс веќе потпиша договор со кој ќе се врзе за уште четири години со Сан Франциско за вкупно 215 милиони долари.
Кевин Дјурант (92,1 милиони долари), крилото на Нетс помеѓу криптовалутите и Најк
И покрај горкото разочарување во текот на кошаркарската година, Кевин може да се смири гледајќи во својот паричник. Тој вусшност собра 28 милиони од Nike (втор само по Леброн) и склучи договори со Coinbase и Weedmaps. И тој, како и другите спортисти, не губеше време инвестирајќи во светот на криптовалутите и NFT, поддржувајќи ја платформата OpenSea и дигиталниот стартап Future.
Роџер Федерер (90,7 милиони долари), кралот на спортистите кои не играат
Шест натпревари за две години. Ова е вкупниот број на одиграни натпревари на Роџер Федерер, швајцарската тениска ѕвезда, во периодот од 2020 до 2021 година, додека оваа година се уште не играл. Сепак, се уште е на седмото место во поредокот на најбогати спортисти благодарение на многу тешките договори со своите спонзори.
Со исклучок на 700.000 долари заработени на теренот, рекет мајсторот својата заработка ја должи на компании како Uniqlo и Rolex, толку многу што е најплатен спортист надвор од спортот. Тој неодамна инвестираше и во швајцарскиот бренд за чевли On за да создаде свои обувки.
Канело Алварез (90 милиони долари), крал на рингот и благајните
Канело Алварез, мексикански боксер со титули WBO, WBA, WBC, IBF, заработил 90 милиони долари во изминатите 12 месеци, од кои 85 во борба.
Боксерскиот талент, како што потсетува Форбс, заработил 40 милиони во периодот од мај до ноември минатата година за два меча. Надвор од рингот, Канело може да смета на спонзори како што се Хенеси и неговиот тако ресторан во Мексико, подготвен да се отвори и во Калифорнија.
Том Брејди
Том Брејди (83,9 милиони долари), неверојатни бројки за американскиот фудбалски бек на Тампа Беј Баканиерс од Националната фудбалска лига. Збогум на фудбалскиот терен,? Навистина – не! Том Брејди издржа само шест недели пред да ги врати чекорите назад на теренот и да одлучи да се врати, на 44 години, со Тампа Беј. Заработи 83,9 милиони долари во изминатите 12 месеци, од кои 32 од неговите спортски активности.
Ѕвездата на НФЛ ќе биде и ексклузивен коментатор на Fox Sports, со кого склучи договор од 375 милиони долари за 10 години.
Џанис Антетокунмпо (80,9 милиони долари), најмладиот од спортистите на листата
Меѓу најплатените спортисти во светот, најмладиот ја зазема десеттата позиција. Последно место во Топ 10 за Џанис Антетокунмпо, одличниот напаѓач на Милвоки Букс меѓу најсилните во историјата на НБА.
Надвор од паркетот има акции во WatchBox, платформа која тргува со часовници, но и WhatsApp и Google Pixel 6, штотуку објавени. Исто така во јуни на Дизни + ќе биде објавен „Rise“, неговиот прв автобиографски филм.
