Брус Вилис (67) се откажа од актерската кариера од здравствени причини. Тоа го најавува неговата ќерка Румер Вилис со објава на Инстаграм.
Ѕвездата на „Умри машки“, пишува неговата ќерка во пораката потпишана од целото семејство, „се бори со некои здравствени проблеми. Неодамна му беше дијагностицирана афазија, која влијае на неговите когнитивни способности. Поради оваа причина, по долги размислувања, Брус се повлекува од кариерата што му беше толку важна. Тоа е многу сложен момент за нашето семејство, ние длабоко ја цениме вашата наклонетост и поддршка – вели тaa обраќајќи им се на обожавателите на неговиот татко. Се соочуваме со сето ова со силата на обединетото семејство: сакавме да ги вклучиме фановите затоа што знаеме колку тој е важен за вас. Исто како што сте и вие за него. Како што Брус секогаш вели: „Живеј“: и заедно целиме да го направиме токму тоа“.
View this post on Instagram
