Јелена Спенџарска, популарната ТВ-водителка од „Канал 5“ и инфлуенсерка на социјалните мрежи, често знае да биде интересна за јавноста и за нејзините фанови.
Сите кои ја следат, воодушевени се од нејзините статуси, а дел од нив навлегуваат во сферата на филозофијата и психологијата. Многумина се пронаоѓаат во нив.
За првпат јавно, за „Слободен печат“, Јелена во 2023 година откри како го запознала Гркот Лукас со кој е во врска две години, и детално го опиша моментот кога во себе си рекла: „Ова е човекот“.
„Тој е човек што постојано ме изненадува како карактер. Егото му е спуштено на минимум и тоа е најпредизвикувачкиот дел за мене. Со тоа учам многу за себе, како да бидам подобра и каде секојдневно грешам.
Тотално небалкански менталитет, маж што знае како да се однесува со жена, многу внимава на сѐ што ќе каже, често знае да ме изненади со некоја негова идеја. Многу сме различни, а многу исти во исто време, тоа е некој чуден феномен, кој не можам да го објаснам, но функционира беспрекорно – вели Јелена.
Спенџарска има необичен животен пат. Живее половина од годината во Солун, половина во Скопје, а летово постојано патува. Неодамна беше во Хрватска, а сега се огласи од ново место.
Таа е сега во Истанбул, и тоа со уште една згодна водителка, а тоа е Сања Савеска. Едно од прашањата кои ги доби на стори на Инстаграм се: „Би одела ли на состанок со жена како тебе? А, на ова Спенџарска одговори: Душо, јас би почнала војна за жена како мене“.
