– Под влијание на претежно стабилна и сува воздушна маса, во следните денови во Македонија времето ќе биде претежно стабилно, суво и сончево со мала до умерена локална облачност. Повремено во попладневните часови, и тоа особено во планинските предели не се исклучува можноста за локален краткотраен пороен дожд и грмежи. Што се однесува до температурите, тие ќе бидат во пораст, и тоа особено од вторник па натаму кога максималните температури ќе се искачуваат во интервалот од 30 до 39 степени, и тогаш ќе бидеме под влијание на ИЗРАЗЕН ТОПЛОТЕН бран од Африка.
И во Скопје и околината во следните денови времето ќе биде претежно стабилно, суво и сончево со мала до умерена локална облачност. Температурите и тоа особено од вторник па натаму ќе бележат тенденција на ПОГОЛЕМ ПОРАСТ и максималните дневни температури ќе се искачуваат во интервалот помеѓу 33 и 35 степени. УВ – ИНДЕКСОТ во следниот период ќе има ЕКСТРЕМНО ВИСОКА вредност и ќе изнесува коефициент некаде околу 10, па затоа на граѓаните ги советуваме да се заштитуваат од лошото влијание на сонцето, но и да пијат што повеќе течности – вели метео прогнозерот Славчо Попоски.
