Започнавме убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Денес нашата драга Теа ни подготви гулаш.
– Мислам дека не постои човек кој нема пробано гулаш. Ова унгарско традиционално јадење често го подготвувам во зимскиот период од годината.Најважно, за добар гулаш потребно ви е мнооогу кромид – вели Теа и додава – Дали знаете дека постои и американска верзија на гулаш во која преовладуваат домати и го сервираат со макарони?
Потребни состојки:
За гулашот:
600 гр. јунешко месо (плешка или врат)4-5 главици кромид2-3 моркови200 мл. доматен сос300 мл. водасол и бибермешан сув зачинмаслоловоров листЗа пире:
4-5 компиримлекопутермешан сув зачинНачин на подготовка:
Во тенџере на оган ставете го маслото да се загрее. Месото ситно исецкајте го и ставете го да се пржи. Во меѓувреме ситно исецкајте го кромидот и додадете го во месото. Пржете 10 минути, а потоа додадете ги морковите исецкани на коцки и сосот од домати. Додадете ја и водата и зачинете. Намалете ја температурата и оставете го да се динста со капак 30-40 минути со повремено мешање.
Во меѓувреме излупете ги компирите и исецкајте ги на коцки и ставете ги да се варат во вода. Откако ќе се сварат истурете ја водата во која се вареа, испасирајте ги, додадете млеко, путер и зачинете.
Сервирајте во чинија пире со гулаш и уживајте во прекрасниот ручек.
На здравје и уживајте во прекрасните вкусови на овој гулаш.
.
.
