Нашата позната пејачка Бојана Скендеровски на својот фејсбук – профил објави прекрасни семејни фотографии по повод денешниот празник.
Бадник е денот пред Божиќ или денот пред раѓањето на Исус Христос. Како што налага традицијата, вечерта пред Бадник се пали бадников оган и по неговото згаснување, коледарите одат од врата на врата и пејат коледарски песни, а домаќините ги даруваат. Вечерта се подготвува посна трпеза и целото семејство се собира на трпезата.
Бојана по повод бадниковата вечер за своето семејство подготвила богата посна трпеза. Риба, гравче, пита и секако лепче со паричка. Пејачката се пофали на социјалните мрежи дека оваа година ќе биде посебно среќна за неа, бидејќи паричката се паднала во нејзиното парче лепче.
„Оваа година ќе ми треба среќа…“ – напиша пејачката во описот на фотографиите.
За што ќе ѝ треба среќа останува да видиме!
