Каролина Бjелавска, претставничка на Полска, ја освои круната на престижниот избор за убавина Мис на светот за 2021 година на гала вечерта одржана оваа среда во Порторико.
View this post on Instagram
Прва придружничка е американската убавица Шри Саини, а втора Оливија Јејс од Брегот на Слоновата Коска, која беше фаворитка на 70-тото издание на изборот за убавина.
„Бев изненадена кога го слушнав моето име и сè уште не ми се верува. Ова е голема чест“ изјави Бјелавска со солзи.
Поради откажувањето на изборот за убавина поради пандемијата во 2020 година, круната ѝ ја предаде Јамајка Тони Ен Синг, која всушност ја освои круната во 2019 година.
Она што, исто така, го привлече вниманието на светот на изборот за убавина беше изразената поддршка за Украина која е разурната од војна. Тони-Ен Синг од Јамајка, носителка на титулата Мис на светот за 2019 година, ја отпеа песната „The Prayer“, трогателната, повеќенаградувана песна од 1999 година на канадската пејачка Селин Дион и италијанскиот оперски пејач Андреа Бочели. Натпреварувачките на сцената и гледачите од публиката палеа запалки и свеќи додека Синг ја изведуваше нејзината изведба на песната.
На карипскиот остров престојуваа 40 од 97 мисици – кандидатки за титулата Мис на светот, и се појавија на сцената на која свиреше Порториканската филхармонија.
