Секогаш со насмевка на лицето Емилија Велковска денес нè огреа како сонце.
Емче работи како продавчка, ужива и во работата во дворот, со радост се грижи и за цвеќињата и за кучето Бак, а ужива и во бременоста – таа е во седмиот месец.
Сепак, не нè одби да ни позира и со задволство ни го покажа дворот и пријатно си помуабетвме на тема цвеќиња.
Дворот на Емилија е прилично голем, се простира на 800 метри квадратни, се наоѓа во скопско Драчево. Во него секое цветче и растение си има своја смисла, приказна и симболика.
– Од љубовта ја црпам оваа животна радост, љубовта кон сопругот, семејството, цвеќињата, неповтрливиот палавко Бак – ни вели Емче.
Омилено цвеќе на Емче е орхидејата. Кактуси, петунии, темјанушки, дрво на среќата, палма…дворот изобилува со бројни убавици во најразлични форми и бои. А меѓу сите нив, таа, иста како цвеќе.
Инаку, Емилија е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија.
Фото – приватна архива
Негователка и на деца и на цвеќиња; позитивноста и љубовта се двата „закони“ на Ани
