Разговарам со Габриела Јосифоска, невработена, мајка на две мали деца, вљубена во цвеќето отсекогаш.
– Цвеќињата ги сакам отсекогаш, но почнав да ги одгледувам пред пет години. Дворот го уредуваме заедно со сопругот и свекорот, повеќе раце, повеќе идеи, поубав изглед – ни вели Габриела.
Преубавиот двор се простира на 500 метри квадратни, за се наоѓа во Демир Хисар.
– До пред две години одгледував најмногу петунии и сурфинии. Сега како поиздржливи најчесто во моето дворче има сардели од различни видови. Лазачки, кралски, калиопа, зонале… – објаснува младата убава жена.
Вели дека бегониите се одлични за под сенка, а за на сонце – сарделата и кактусите, кои се воедно и нејзини омилени растенија.
Грижата за ваква убавина секако одзема време, а Габриела открива дека „секој слободен момент го вложувам тука. Но, вечерните два часа, обавезно ги искористувам за наводнување“.
– Предизвик ми е секоја година цвеќината да ми бидат поубави од предходната, што до сега и убаво ми оди од рака – се смее таа и за крај ги советува сите оние што сакаат да започнат со одгледување цвеќе.
– Мој совет или мото е да ги одгледувате цвеќината што ве сакаат вас, а не цвеќината што ги сакате вие. Мислам дека моите омилени, кактусите, воедно се и најлесни за одгледување. Не бараат многу време и грижа, а сепак знаат да ве изненадат со некој убав цвет.
Инаку, Габриела е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во фотогалеријата од прекрасниот свор во Демир Хисар.
Фото – приватна архива
