– Во следните денови, односно до вторник времето во Македонија ќе се задржи променливо и нестабилно. Ќе има и локална појава на пороен дожд, грмежи и засилен ветер. Локално процесите можно е да бидат ПОИНТЕНЗИВНИ и застапени во форма на НЕВРЕМЕ. Уште утре ќе дува умерен до засилен ветер од северен правец, особено изразен Долж Повардарието. Што се однесува до температурите, тие во следните денови ќе бележат тенденција на пораст. Поголем пораст ќе има од првите денови на следната недела, кога максималните температури ќе се искачуваат во интервалот од 27 до 34 степени. И во Скопскиот регион до вторник ќе има услови за локална нестабилност проследена со краткотраен пороен дожд, грмежи и засилен ветер. Температурите ќе се искачуваат во интервалот од 28 до 33 степени.
Од среда Атмосферата ќе биде постабилна, иако не се исклучува можноста за ретка појава на поплдневен краткотраен дожд – вели метео прогнозерот Славчо Попоски.
