Француско-белгискиот актер Жан Клод Ван Дам денеска го слави 66-тиот роденден, а по тој повод се обрати и претприемачот Тони Бијелиќ, поранешен сопруг на пејачката Драгана Мирковиќ.
Тони Бијелиќ сподели заедничка фотографија со Ван Дам на својот инстаграм-профил и му упати емотивна честитка, покажувајќи уште еднаш колку се блиски.
„Среќен роденден, брат“, напиша Бијелиќ со неколку емотикони во облик на срце.
Неговата објава привлече внимание, а со кратка, но срдечна порака, јасно стави до знаење дека го гледа Ван Дам не само како филмска ѕвезда, туку и како близок пријател.
Да потсетиме, во август оваа година Жан Клод Ван Дам присуствуваше на регионалната премиера на неговиот нов филм „Jardinier“ (Градинарот), кој беше на програмата на Меѓународниот филмски фестивал во Ниш. Потоа дојде во придружба на сопственикот на „Пинк“, Жељко Митровиќ.
