Македонската водителка и инфлуенсерка Јелена Спенџарска одлучи да направи кратка пауза од секојдневните обврски и да си приреди неколку дена одмор во соседна Бугарија. По патувањата во Ница и Прага, овојпат избра помирна дестинација, во подножјето на планината Пирин.
Спенџарска престојува во хотелски комплекс меѓу Разлог и Банско, каде што ужива во спа-содржините, планинскиот амбиент и времето посветено на себе.
Дека одморот ѝ годи, покажа и со фотографиите што ги сподели на социјалните мрежи. Со препознатливата смисла за хумор, Јелена призна дека толку ѝ се допаднало што почнала да размислува дали воопшто да се врати дома.
„Дојдов на неколку дена да одморам, а сега размислувам дали воопшто има потреба да се враќам дома.
Планини, базени, спа, ресторани, прошетки… и најголемата дилема во денот: прво масажа или прво кафе?
Искрено, вакви проблеми сакам да имам почесто“, напиша таа.
Но, покрај релаксацијата во топлите базени, водителката се одлучи и за нешто поинакво. И покрај ниските ноемвриски температури, таа се осмели да влезе во студен базен на отворено.
Своето искуство го сподели со следбениците, шегувајќи се дека по ваквиот предизвик можеби ќе ѝ бидат потребни и лекарства. Сепак, според нејзините впечатоци, студената вода ѝ годела.
View this post on Instagram
