Помеѓу деловните обврски, патувањата и грижата за семејството, Емина Јаховиќ наоѓа време и за пријателите, па неодамна блесна на една свадба во Нови Пазар.
Емина обично носи елегантни фустани во специјални пригоди, а за венчавката во Нови Пазар избра долга црна креација на едно рамо која ја истакна совршената линија, а стајлингот го комплетираше со собрана коса и ефектни сребрени обетки. Рафинираниот и во исто време предизвикувачки фустан е дизајнерско дело на Мелина Џиновиќ и нејзиниот бренд „Хамел“.
Емина набрзо покажа уште едно беспрекорно издание. И овој фустан е долг и елегантен, со интересен крој на половината. Овој стајлинг го комплетираа впечатливи сребрени сандали.
Инаку, пејачката може да се пофали со одлична линија, а покрај генетските предиспозиции, линијата се должи и на секојдневните тренинзи, како и на добро избраната исхрана. Заводливата пејачка секој слободен момент го поминува во теретана, што често го документира на социјалните мрежи.
