Кораима Торес, според медиумите, се приклучува на актерската екипа на серијата „Игра на судбината“.
Латиноамериканската ѕвезда Кораима Торес, која се прослави со улогата на Касандра во популарната истоимена теленовела, наводно пристигнува во Србија кон крајот на месецот. Причината е нејзиното учество во српската серија „Игра на судбината“ каде ќе се приклучи на тимот како гостувачка ѕвезда. Актерката во Србија ќе престојува три дена, а секоја минута од нејзиниот престој таму е испланиран до детаљ. Нејзиниот престој во Србија, наводно, ќе ја чини продукцијата 30.000 евра.
– Ќе престојува во претседателскиот апартман во еден хотел и ќе ѝ бидат исполнати желбите што им ги упатила на организаторите. Била скромна, тоа можам да го кажам. Таа сака да види неколку знаменитости на главниот град кои не ги видела кога била во Србија пред извесно време. Тогаш пробала многу наши кулинарски специјалитети кои ѝ се допаднале и поради тоа сака повторно да ги вкуси нашите јадења. Пробала пита и ракија. Она што сега сака да го проба се нашите вина, што, секако, ќе ѝ биде овозможено – рекол добро информиран извор и додал:
– Нејзе не ѝ беше пресуден хонорарот за да дојде. Улогата многу ѝ се допадна, сè беше договорено во претходниот период и продукцијата сега само очекува да дојде.
Серијата „Игра на судбината“, која има повеќе од 1.170 епизоди од 2020 година, на крајот на месецот ќе влезе во нова сезона наречена „Тајните на минатото“. Заедно со многу сплетки, интриги и изненадувања, ќе се дознаат и долго скриените приказни кои семејството Каначки вешто ги чуваше во тајност сите овие години. Во една од нив, очигледно, ќе се појави хероина која ќе ја портретира актерката која ги освои срцата на локалните гледачи со улогата на Касандра, во истоимената латинска сапуница, која ширум ја отвори вратата за сите идни слични проекти и зарази милиони гледачи.
